بعد بسم الله في كاسرول نحط الزبدة الحليب الماء الملح السكر ونحطها على نار اقل من متوسطة حتى ذوب زبدة وتبدا تغلي نلوح الفرينة ونبدا نحرك بسرعة راح تبدا تنشف وتصبح كتلة واحدة نبقى نحرك ونقلب حتى تنشف وتصبح كرة نحيها نفرغها في إناء ونخليها تبرد

اهم شيء نخلي عجينة تنشف حتى تصير كرة واحدة متل صورة

بعدما تبرد يعني تصح دافئة نبدا نضيف في البيض نحط بيضة الأولى ونخلط جيدا نحس عجين تاعي أصبح مفتت نبدا نضيف في بيضة تانية تدريجيا ونخلط بسرعة حتى نتحصل على خليط مطاطي يعني معلك انا اخدت معايا بيضتين كاملتين

نحط الخليط في بوش من الاحسن يكون الراس كيما لي نخدمو بيه قاطو اللمبوط يعني المسنن وتكون فتحة كبيرة نشكل دوائر وندهنها ببباض البيض متبقي من الكريمة ونرش لوز ايفيلي ندخلها للفرن مسخن على درجة حرارة قليلة مدة 25 د انا فيديو تفرجتو في قناة فرنسية كانت 25 د تحمر مليح من تحت ومن فوق لكن انا ضطريت نشعلو من فوق باه يدي تحميرة مليحة

نرجع لكريم ديبلومات نفصل صفار عن البيياض ناخد الأصفر نضيف ليه السكر ونخلط جيدا بالفوي حتى يدوب سكر نضيف النشا ونخلط جيدا حتى تتحل نضيف كمية من لحليب لي نكون حطيتو يدفا تساعدني باه يتحل الخليط ثم نعاود نحط الخليط في كاسرول لي فيها بقية الحليب

ونرجعها النار ونبقى نخلط حتى يتقال الخليط تماما نحيه مباشرة نضيف م ك زبدة فاني ونحرك نغطيها مباشرة مع سطح نحطها تبرد في ثلاجة تماما نطلع شونتي مع الماء البارد بعد ما تبرد كريمة الأولى نبدا نضيف في الشونتي بتدريج الكريمة الأولى ثم نضيف م ك شكولا وتضرب بالخلاط

نتحصل على كريم موسلين خفيفة ندخلها حوالي 20 د للثلاجة نكون فتحت الباط اشو تاعي بسكين نحط كريمة في بوش ونبدا نعمر بعد ما نكمل نرشها بسكر ناعم

شهية طيبة