نضع الزيت يسخن ونضيف اللحم والبصل والثوم نقليهم شوية ونضيف الطماطم منزوعة القشرة ومرحية والدبشة والتوابل نقليها مليح ونضيف الطماطم المصبرة والفلفل والحمص ونقليهم ونمرق بماء سخون ونخليها طيب يمكن اضافة جزر او بطاطا حسب الرغبة

ومن جهة أخرى نخلط السميد والملح ونضيف شوية ماء دافي حتى تتلم نضعها في كيس ونخليها ترتاح ثم نعجنها شوية ونضيف الماء ونعجن حتى نتحصل على عجينة طرية نشكلها كرات ندهنهم بالزيت ونغطيهم ونخليهم يرتاحو ثم نأخذ كرة ندهنها بالزيت ونأخذ كرة أخرى نضعها في فرينة (طحين او دقيق) ونضعها فوق الأولى ونحلها بالزيت رقيقة شوية فقط ونطيبها في طاجين ثم نفتتها ونديرلها دهان او زبدة ذايبة ويمكن تفويرها مرة ثم نزينها بالحمص واللحم ونقدمها مع المرق