هنا بسستو مليح بالاصابع حتى تبسس مليح غطيتو وخليتو حوالي خمس ساعات تقدرو تخلوه ليلة كاملة ثم تخدموه

رجعت ليه وجبت كيلة ماء كنت درت فيها 2 ملاعق ماء الزهر وبديت نرش فيه ونحاول ندخل الماء بلا منعجنو ملازمش نعجنوه منديرش الكيلة كاملة نخلي شوية ونشوف في الاول يبان جاري قليلا نخليه يشرب بعقلو ونرجع ليه

هنا رجعت ليه إذا لقيتيه شرب بزاف ضيفي القليل من الماء وإذا لقيتيه مليح يعني شرب لكن مزال طري متزيديش الماء لانو السميد انواع نعمل حربوش (بودا) وندير في الوسط حربوش من الغرس نغلق عليه ونروليه ونسويه جيدا هنا نخليه غليظ نوعا ما

لاني حابة الحبة كبيرة نكمل كامل العجين والغرس الي عندي ثم نرجع للحربوش الاول نديرلو القليل من خليط السميد لمبسس كنت خليت شوية ونرمدو فيه ونقطع مقروطات حوالي 2 اصبع ونقطع نسويهم ونكمل كامل الكمية نغطيهم مبين الزيت تسخن

ندير طاوة هنا باش الزيت يجي غزير والحبات يغطسو فيه منضلش نقلب فيهم لما يسخن الزيت نضع بالحبة الكمية الي ترفدها الطاوة ممكن 5حبات ونخليهم النار تكون شوية هادئة باش يطيب حتى للقلب نتاعو لما نتحصل على اللون الذهبي نحي من الزيت نقطر قليلا وعلى طول في العسل

نخليه في العسل حتى تتقلى الكمية الثانية ونحيه نخبيه في علبة ولما نجي نقدمو نقدر نضيفلو شوية عسل انا هو معسل ميحتاجش روعة