اولا نضع الفرينة في صحن كبير نضيف الخميرة نتاع الخبز والسكر ندخلهم في الفرينة ونضيف والزيت والخل والخميرة نتاع الحلوى ونضيف الماء بالتدريج حتى نتحصل على عجينة طرية تلسق

نخلطها قليلا باليد نضربها من تحت للفوق ونضيف الملح ونبقى نخلط فيها حتى تولي ناعمة تقدرو ديروها في العجانة أما متستحقش نخليها تخمر جيدا حتى يتضاعف حجمها مليح

نستعين بالماء ونقسمها 3 كور أنا نحطهم في الصينية وهي مقلوبة يطيب احسن حطيت ورق زبدة تقدرو فقط تدهنوها بالزيت لما عملت الكرة حطيتها في خليط سميد وفرينة ورمدتها ثم حطيتها في الصينية

كملتهم ورجعت حليت اول وحدة سمك رقيق نوعا ما وخليتهم يخمرو جيدا في هاذي الأثناء شعلت الفور وخليتو يسخن ضروري لما خمرو حطيت بالوحدة في الفور شاعل من تحت وفوق وخليتو يطيب ويتنفخ ويتحمر مياخذش وقت لما نخرجو من الفور نغطيه بسرفيتا قليلا يطرى ويصبح رائع والف صحة وهنا