في مقلاة ندير شوية زيت ونحط البصل مقطع رقيق ونضيف الطماطم المصبرة وبعد مايذبال نحط الفلفل الحلو مقطع ليكن شويتو ونقيتو والطماطم مقطعة صغيرة وكمية من المعدنوس والملح والتوابل ونخليها تطيب على نار قليلة ونشربها بنصف كاس ماء.

في جفنة ندير السميد والفرينة والزيت والملح والخميرة والسكر ونلم بالماء الدافئ ونعجنها شوية ومقرها كريات صغار و تخليها ترتاح

بعد ما تطيب التكشوكة وتبريد مليح نبدا نحل فالكسرة ندير الدائرة الأولى رقيقة وندير الهريسة التكشوكة ونحط الكسرة الثانية فوقها ونغلق مليح الأطراف ونطيبها في طاجين سخون وبالصحة والعافية