من جيهة اخرى نقطعو صدر الدجاج اللي طيبناه في صوص بيضاء ونحتافظو بالصوص على جنب نحط شوية زيت في نقلة ونذبل فيها بصل وثوم ونضيف الدجاج مع شوية ملح وفلفل اسود ونضيف عليه فنجان من لاصوص اللي طاب فيها الدجاج ونخليها حتى تنشف ونطفي النار ونخلي الحشوة تبرد تماااما كي تبرد نزيدلها الزيتون الاخضر والاسود مع الدبشة

نروحو للتشكيل نأخذ البطاطا نضيفلها ملح وفلفل اسود وشوي دبشة (كزبرة) ونخلط مليح من بعد نأخذ كمية من البطاطا ونبسطها في كف يدي ونحط في وسطها كمية من الحشوة وقطعة جبن طري ورشة جبن شيدار مبشور ونغلق جيداً ونشكلوه اصابع او دائري حسب الرغبة ثم نرمدوهم في الفرينة من بعد في البيض ثم في لاشابلور ونقليهم في زيت ساخن ونقدموهم مرفوقين بالصلصة اللي طاب فيها الدجاج تقدرو تقدموهم كمقبلة او كغداء مع صحن سلطة وحميص وبالصحة والهناء