ننضف سمكات طريقتي أنا بعد ما نضفهم مليح نخليهم مدة 5د فالماء وملح و2 ملاعق خل من بعد نشرحهم نتبلهم برشة ملح الريحان زعيترة كمون ونحط فالوسط شرائح القارس نقطع بصلة نفرشها فالبلاط تاع الفور ونزيد عليهم زيت الزيتون ونعطيهم بورق الألمنيوم وندخلهم للفرن 200 درجة لمدة نصف ساعة من بعد ننزع الورق ونخليهم يتحمرو شوي

في هذي الاثناء نحضر المرق نحط زيت بصل مرحية نضيف ثوم وطماطم مرحية والمصبرة جميع التوابل المذكورة ونزيد ورق الغار ونقليه مليح ثم نمرق مجرد ما يغلي المرق مدة 5 دقائق نضيف الأرز بعد ما حطيته فالماء مدة ربع ساعة نصفيه من الماء ونعاود نغسله مرة أخرى ونضيفه للمرق مع الجلبانة والزرودية أنا شريتهم في علبة نخلي الأرز يطيب ونغلق عليه لمدة 10 د قبل التقديم نخلي الغطاء وهذاك الأرز بفعل البخار يتشرب جيدا المرق