نخلط مكونات العجينة ونطمها بالفرينة هي تجي شوية يابسة وتتلاصق نخليها على جنب

نحضر البيشاميل ونولي للعجينة: نقسمها على 3 ونبدأ نفتح فيها بالفرينة باش ما تلصقش نحط واحدة فوق واحدة وبيناتهم ندير المايزينة أوالفرينة ونفتحهم فوق بعضهم بسمك رقيق في هاد الأثناء راني حاطا الماء يغلي نرفد العجينة الأولى نحطها في الماء دقيقة برك ونخرجها ونكمل الباقي كيف كيف

نحط في مول شوية من البيشاميل كطبقة أولى ثم نحط العجينة الأولى ثم طبقة من الحشو ثم العجينة ثم الحشو ثم العجينة ثم البيشاميل الباقي ثم الجبن المبشور

ندخلها الفرن حتى تطيب وتتحمر