اولا بسم الله الرحمن الرحيم وضعت في صحن كبير السميد والخميرة والسكر والملح خلطتهم ثم ضفت الزيت وبسستهم جيدا دخلت الزيت في السميد جيدا ثم ضفت الماء بالشوية حتى تحصلت على عجينة متماسكة ماهيش طرية

عجنتها قليلا فقط ماشي بزاف باليد وشكلت كرة أو تعملوها 2 كور تكون اسهل ليكم يعني للمبتدئات وضعت الطاجين يسخن على النار تكون متوسطة وبديت نحل في العجينة بالحلال دهنت كورة العجينة بالزيت ثم بديت نحل فيها حليتها ماهي رقيقة بزاف ماهي خشينة كيما تحبوها نتوما عادي يبقى الامل اذواق

هزيتها ووضعتها على الطاجين تاع الكسرة أنا نحب النوعية القديمة لونها يخرج هايل فيه وثقبتها بالفرشيطة وخليتها تتحمر من تحت نقلبها ونحمرها من الجهة الأخرى نستعين بالادات الخشبية كامل عندنا اللي تسهل طياب الكسرة وتخلي اللون يتوزع بشكل جميل وقدمتها بألف صحة وعافية الصراحة أنا في المقادير منكيلش يعني كل يوم نديرها تعودت عيني ميزاني لكن حاولت نعطيكم القيس تاعها