بعد باسم الله الرحمان الرحيم،نحضر العجين بتقطيع المارڨرين قطع لازم تكون طرية أي بحرارة المطبخ ،في وعاء نزيد عليها السكر و الزيت والملح ونمعسهم مليح حتى يصيرو مثل المرهم ثم نضيف بشر الليمون و البيض ونخلط مليح (أنا خلط بيدي ولي تحب تستعمل الباتور)

ثم نزيد الفرينة بالتدريج والخميرة حتى نتحصل على عجين طري ومتماسك،نغلفو ببلاستيك ونحطو في الثلاجة لمدة نصف ساعة أو ربع فقط إذا كنت على عجلة من امرك (لأننا في فصل الشتاء)

نتركها جانبا، نخرج العجين من الثلاجة ونبصطها في صينية دائرية الشكل ونثقبها ونحطها طيب في فرن ساخن مسبقاً على 160درج. انا استعملت ورق الطهي في صينيتي لأنها قديمة نوعا ما ،من توفرت له صينية جديدة يستعملها بدون

في هاد الحين نحضر الكريمة في كسرونة نحط عصير حبات الليمون ونزيد كمية الماء والسكر والنشاء ونخلط مليح بسلك الضراب ثم نزيد صفار البيض ونزيد نخلط على بارد ثم نحط الكل فوق النار متوسطة مع التحريك المستمر حتى يتخثر الخليط ويصير ثقيل نوعا ما هنا نطفي النار ونزيد كمية الزبدة ونخلطها حتى تصير تلمع