نخليها تخمر حتى يضاعف حجمها مليح و نزيد نهبطلها التخمار ونخليها تزيد تخمر مرة ثانية ثم نقرصها بالفرينة بسمك متوسط و نهزها نحطها فوق لوحة خشبية ومرشوشة بزااف بالفرينة باه متلصقش ونحشي الاطراف بالجبن ثم ندهنها بصوص تومات ونزيد نفرغ كريمة الجبن ومنكثرش بزاااف وندير الزيتون الاخضر والفلفل و الزيتون الاسود ورابي الجبن

بواسطة اللوحة (كثري لفرينة بزااف فوق لوحة باه تهبط لبيتزا بسهولة)نحطها فوق الطاجين تاع لحديد مسخن مسبقا على نار هادئة و نحركها على الجوانب حتى طيب ثم نهزها و نحطها في صينية فرن نشعل من فوق فقط حتى يذوب لفرماج وطيب على الاطراف مليح (تقدري طيبيها في الفرن مباشرة بلا مديريها في الطاجين كي جي تحطيها في طاجين جيك صعيبة شوية خاصة لا كثرتي كريمة الجبن)