في مقلاة كبيرة نحط زيت بصل نقليه حتى يذبل ونضيف الفيونداشي (اللحم المفروم) نضيف له ملعقة صغيرة ملح ونخليه يتقلى مليح نضيف الطماطم انا استبدلها بصلصة الطماطم ونضيف التوابل والمعدنوس ونضيف فنجان ماء ونخليه يطيب

نأخذ مول تاعي لي رايحة ندخله للفرن نحط فيه القليل من البشاميل نوزعهاعلى سطح ثم طبقة من البطاطا ثم الفيونداشي (اللحم المفروم) ونعدلو على البطاطا كما موضح في الصورة هنا من بعد سويتهم هنا فقط للتوضيح ثم نضيف شوي بيشاميل

ونعاود الكرة يعني نزيد طبقة من البطاطا ثم الفيونداشي (اللحم المفروم) ثم صلصة بيشاميل ثم البطاطا وأخيرا نضيف الكمية الأخيرة من البشاميل ونحط فوقها كمية من الجبن المبشور وندخلها للفرن بدرجة 180 درجة الحرارة لمدة من 10 إلى 15د فقط لتأخذ اللون الذهبي تا لي غراتان

من بعد تقدم ساخنة وجات رووووعة