اولا نقي البطاطا ونقطعها ونديرها تطيب فالماء والملح.

نتبل السكالوب والملح والتوابل وعلبة الياوورت الطبيعي ونخليه يتشرب.

بعد ما تطيب البطاطا نصفيها ونخلطها بالباتور وهي سخونة وندير الزبدة والفرماج والحليب سخون ونخلط حتى نتحصل على قوام كريمي.

في مقلة سخونة ندير شوية زيت ونقلي السكالوب حتى يتحمر مليح وندير شوية بصل مفروم يتقلى فنفس المقلة ونمرق بشوية ماء ونخليها تختار.

ندير البطاطا في بوش ادوي ونشكل ورود على الصحن وندير السكالوب فالوسط وشوية صوص وبالصحة والعافية.