نحط الفرينة والملح والزيت والخميرة والسكر ونخلط جيدا ثم نبلها بالماء الدافى حتى نتحصل على عجينة طرية ندلكها جيدا دون تقطيع حوالي عشر دقائق ثم نغطيها ونخليها ترتاح حوالي ساعة ثم نشكل كريات نخليهم يرتاحو خمس دقائق ثم نطرحهم بالاستعانة بالفرينة يكونو رقاق ثم نغطيهم ونخليهم يخمرو خمس دقائق ونبدا نطيب فيهم

نحط طاجين يسخن ثم نحط العجينة ولما تبدا تنتفخ نقلبها مباشرة ونخليها حتى تنتفخ ولما تطيب نغطيها بطرشونة ونحطها في كيس بلاستيكي

نحضر المقادير نقطع البصل والطماطم الى مربعات ونخلط الهريسة مع المايوناز لنتحصل على مايونيز حار ونقلي البطاطا ونبشر شيدار

نحط الرغيف ثم ندهنو بالمايوناز الحار ونحط البطاطا ثم البصل والطماطم ثم نحط الشوارما الوصفة في صفحتي ونحط الجبن المبشور ونغلق الرغيف ثم نحطو في بانينوز انا استعملت الطاجين وضغطت عليه بغطاء حتى تحمر من كل الجوانب

تقدم بالصحة والهنا