حطيت سميد و درتلو الملح و سكر و فارينا و خلطت جيداً، رحت ذوبت السمن و خليتو برد باش درتو مع السميد و بسستو مليح

كيما اي مثل راه موضح في الصورة و نخليه يبات ليلة كاملة

درت الغرس في حمام مريم حتى طرا و بديت نقي فيه حتى رجع نقي تماما

شكلتو ل حربوش باش نديرو داخل العجينة

بعد ما بات ليلة كاملة السميد المبسس بالسمن انا هتا نعاود نبسو ب يديا لانو بكون ديجا داه تماسك شوي و نديرلو ماء و ماء الزهر حتى تولي عجينة، منبعد نحط الخربوش داخل العجينة و نشكل حربوش طويل و نبدأ تقطع فيه مقروطات

حتى يتشكلي مقروطات بنفس الحجم

نسخن الزيت جيداً و نكون درت العسيلة تبرد لي فيها ماء و سكر و عود قرفة و قارص (ليمون) باش كي نقلي الحبة و طيب ثمصم نحطها في العسل لي يكون بارد

المهم انا هنا ندير كل حبة داخل الماء باش تشد روحا كي نقليها ندخلها في الماء و نحطها في سنيوة شويا تريح و نرميها في المقلة، نقليهم في نار متوسطة بعدما كانت سخونة بزاف

غير طيب الحبة شويا تعطيني لون ذهبي نرميها في العسل البارد مباشرة و نخليها تريح فيه حتى طيب الدفعة الثانية باش نحيهم (نبعدهم)

تكون حبة المقروط تشربت مليح لعسيلة ،و نقدمهم اكيد في بليسيات و الشكل يكون كبير و كاين حتى الصغير كيما اي مثل راني درتهم انا 🌸