في وعاء نضع البيض مع الفانيلا والسكر والخل ونخفق لمدة ٣ دقائق حتى يصبح المزيج بلون فاتح كريمي

نضع فوقهم الزيت والحليب والكاكاو والطحين والبيكنج باودر ونخفق تماما إلى أن تذوب المقادير..

نحضر بايركس مدهون زيت نباتي وطحين ونضع الخليط فيه وعلى فرن محمى مسبقا قبل ب عشر دقائق بندخل البايركس ونوطي الغاز على نار هادية أو وسط إلى أن ينضج تماما تقريبا أخذ معي وقت نضوجها ٤٠ دقيقه بنطلعها وبنتركها تبرد وبس تبرد الكيكه بنعمل فيها ثقوب ونشربها ب الحليب والنسكافيه

ملاحظه: الكيكة باردة والتشريبه بدرجة الحرارة الغرفه يعني ما تكون ساخنة التشريبه عشان ما تعجن الكيكة👍🏻

بعدها في طنجرة بنذوب الحليب مع النشأ والفانيلا والقشطة ونتركهم على جنب

نكرمل السكر عالغاز إلى أن يذوب وبنحط عليه ملعقة صغيرة زبده ونحرك حتى تذوب الزبده ونضع خليط الحليب والنشأ عليهم نحركهم مع بعض منيح رح تحسو السكر صار قاسي بس لا تخافو رح يذوب مع التحريك عالنار بتضلو تحركو فيه لحتى يجمد الخليط بتطفو تحتهم وبتحطوهم مباشرة عالكيكه

بس تبرد الطبقة منيح بتعملو خليط الشوكلاته اللي حكيتو وبتحطو فوقها وبتزينوها ب الشوكلاته المبروشة أو حسب الرغبة وعالتلاجه ٥ ساعات أو حتى تتماسك الطبقات أنا تركتها ليلة كامله وقطعتها