نحط الحليب الدافئ والخميرة والسكر ونخليهم خمس دقائق حتى يتفاعلو ثم نضيف الزيت وبياض بيضة والفرينة والملح والخميرة الكميائية حتى نتحصل على عجينة طرية ندلكها قليلا ثم نخليها تخمر حتى يتضاعف حجمها

نحضر الحشو نقطع البصل الى قطع صغيرة ونحطو في مقلاة في القليل من الزيت ونبقى نحرك حتى يذوب البصل ثم نضيف الطماطم المقطعة ونحط الملح والفلفل الاسود ونخلط حتى تذوب الطماطم ثم نحط علبة التونة ونحط الزيتون مقطع ونخلط الكل ثم نطفي ونخلي الخليط يبرد

بعدما يخمر العجين نقطعو الى كريات صغيرة ونطرحها بالاستعانة بالفرينة ونحطها على المول الخاص بالسوفلي ونحط الحشو وكمية من الجبن الطري ونغلق حبة السوفلي ونزينها بحبة زيتون وندهن الوجه بصفار البيض

ثم ندخل السوفلي الى الفرن ونخليهم يطيبو ثم نحمرهم من فوق ويقدم بالصحة والهنا