نجيب لباتور تاعى والا اشوارى لى يكون عندك نحط فيه لبيض تاعي وقرصة ملح ونخلط الكل مع بعض حتي يتضاعف الحجم ومن بعد نزيد بشوي السكر وفلون بنكهة اليمون ونستمر بلخلط
ومن بعد نزيد ملعقة خل (لخل هنا يعمل عمل محسن الحلويات ويخلى لقاطة تاعك يجي هشيش وخفيف يهبل وينحيلك زفرة تاع لبيض) وبعد منخلط الكل نبداء نزيد في لخميرة ولفرينة ونشاء بشوي ونخلط بلملعقلة من تحت لفوق باه منخسروش لكيكة تاعنااا ونخرجو كامل لهواء

نجيب السنية تاعي نا معنديش بابي بويسو ولا كويسي منعرفش ننطقه ههههه المهم جبت زوج ورق تاع ريجستر وتهدنتهم بزيت مليح وفرشتهم في لبلاطو وسبيت لخليط تاعي وقبل من دخلو للفور كنت سخنتو من قبل ربع ساعة ودخلت للفور ومفتحتش عليه حتي فاتت سبعة دقائق لقيتو طاب من تحت وشعلت من فوق تلات دقائق وخرجتو

كيما تشوفو هنا شوي غفلت عليه قلبتو فوق سربيات مبلولة شوية وروليتو وخليتو يبرد مليح مليح
ومن بعد رجعت وسقيتو بشوي جو تاع كيوي فتحته وحشيتو بلمعجون تاع لمشماش لى كنت ضفتلو قرصة ليمون وقصيت فراز ونثرت عليه ورجعت روليتو وخليتو ربع ساعة في ثلاجة لين يشد روحه بياااا