في اناء نغسل الخضر ونقشرها ونقطعها ونحطها بجيه. نجيب طنجرة الضغط نحط الزيت والخضر والطماطم المصبرة والجومبو والملح والفلفل الاسود والكمون نخليهم يتقلاو جيدا.

لما يتقلاو نمرق بماء ساخن و نضيف الحمص و نغلق عليه و نخليه يطيب في خاطرو لكن منغفلوش على طنجرة الظغط كل شوي نحلوها و نشوف كمية المرق باه نتفاداو اي حوادث لا قدر الله.

لما يطيب الحمص و الخضر نطفي عليه و نخليه يبرد قليلا ونجيب البرا ميكسور ونرحي كلش مع بعض ونضيف القصبر او المعدنوس حسب الذوق ونقدموه ساخن.

ملاحظة : الحمص لي درتو شريتو يابس و شمختو في المنزل ودرتو في الثلاجة.مستعملتش الجاهز.

ان شاء الله يعجبكم شهية طيبة 😍😍😍