صابلي بكريمة الزبدة
الخطوات
- 1
أول حاجة سبقت درتها ذوبت الشوكولا على حمام مائي و خليتها تبرد
- 2
في إناء حطيت المرغرين و خلطتها شوية و زدت عليها السكر و الصفار و خلطت بالباثور حتى أصبح اللون أبيض
- 3
ضفت الشوكولا الذايبة و خلطت و زدت الكاكاو و خلطت و زدت المايزينة و خلطت كلش بالباثور
- 4
بعد ما تحصلت على خليط متجانس شفت الفرينة مع خميرة الحلوى و لميتها حتى تحصلت على عجينة طرية غطيتها و خليتها ترتاح عشر دقائق
- 5
حلينت العجينة ماشي رقيقة بزاف و ماشي خشينة بزاف و حطيتها فالسنيوة تطيب على درجة حرارة 160 غير نشفت من تحت شعلتلها من فوق غير شوية و نحيتها و خليتها تبرد فالسنيوة
- 6
بعد ما بردت الحلوى جبت المرغرين حطيتها في إناء وحطيت معاها السكر وقعدت نخلط حتى تحصلت على كريمة بيضاء و من بعد زدت الشوكولا و خلطت مليح و حطيتها فالثلاجة
- 7
حطيت الكريمة في جيب حلواني و لسقت كامل الحبات و خرجتلي 40 حبة و حطيتها فالثلاجة تبرد حوالي نصف ساعة
- 8
بعد مرور نصف ساعة حطيت الشوكولا تذوب فوق حمام مائي و زدتلها الزيت و خلطت مليح وغلاصيت الحلوى و حطيتها تنشف
- 9
و كنت درت أشكال بمول سيليكون و حطيتهم فالمجمد و بعد ما نشفت الشوكولا شوية لسقتهم
- 10
نتمنى تنال اعجابكم 🤗🤗🤗🤗
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (14)