بسم الله الرحمن الرحيم
ناخذ البيض والسكر والزيت والحليب والفانيلا والزبدة ونخلط الكل جيدا ونضيف الفرينة والخمارة حتى تتلم العجينة.

تكون عجينة طرية تقيمها على ثلاثة متساوية
انا ضاعفت المقادير لأجل الصينية كبيرة وخرجتلي اربع عجنات.

ناخذ ورقة الطهي نقطعه على شكل الصينية وتوضع العجينة الأولى نفتحها مليح ونوضعها في الصينية ونثقبها بالفرشاة

نضع الحشو نصفه ونسويه مليح فوق العجينة
نقوم بفتح العجينة الثانية فوق ورق الطهي ونضعها فوق العجينة الأولى ونسويها بشوية حتى لا تتقطع

نثقبها من فوق بالفرشاة ونضع الحشو الباقي ونسويه مليح ونفتح العجينة الثالثة ونضعها فوقها وننسويها مليح ونثقبها وندخلها الفرن حتى الطيب
الفرن يكون متوسط باه العجينة الي في الوسط الطيب ثم نشعل من فوق حتى تتحمر

بعدما طابت نذوب الشيكولة السوداء ونكبها فوق القاطو واذا كانت عندك شيكولة بيضاء ندير خطوط ونزوقها مثل الميلفاي انا ماعنديش استعملت السوداء فقط

عملت خطوط بالفرشاة للتزيين وقبل ما تيسر الشيكولة قومي بتقطيعها مربعات او معينات وشهية طيبة.