نحضرو الخبز اولا نخلطو المكونات الجافة كامل مع بعض فرينة ملح سكر خميرة فورية خميرة الحلويات و نضيفو نصف كاس زبت و نبسسوها مليح و نلمو بالحليب حتى نتحصل على عجينة تلتصق بالبد ندلكوها زوج دقائق و نخلوها تخمر ربع ساعة...نشكلوها كويرات حسب الرغبة كبار او صغار و نحلوها شوية باليد و نخلوها تخمر ربع ساعة حتى يتضاعف الحجم...نسخنو الفرن جيدا و ندهنو سطح الخبز بالماء و ندخلوه يطيب..

نمرو بعد تحضير عجينة الخبز الى الحشو مباشرة..نقطعو الدجاج مكعبات صغار و نضيفولو بصلة مرحي و التوابل كامل ملح فلفل اسود كركم زنجبيل طماطم مصبرة راس الحانوت العكريو الزيت و الليمون و معدنوس مقطع رقيق و نعناع جاف نخلوه ربع ساعة او نصف ساعة يتمارينا و نجيبوه على نار هادئة..

صوص منزلية رائعة:
ناخذ كاس ماء في كسرونة نضيفولو ملعقة طماطم مصبرة ملعقة صغيرة سكر
رشة ملح
و ملعقة كبيرة مايزينة
نحكو كلش بارد في بارد و نطوها فوق النار و نحركو حتى تتقال
نحوها من فوق النار نصيفولها 3 ملاعق كبار مايوناز و رشة نعناع يابس و زلعقة كبيرة بصل مرحي

نبداو نشكلو في الهمبرغر :
نفتحو الخبز نحطو لاصوص الي حضرناها و سلطة خضراء و طماطم و بطاطا مقلية و خليط الدجاج و طبقة صوص وحدوخرا و نبريسيوه و بالصحة و العافية