نأخذ اسكالوب نغسله و ندقه بيد مهراز تاع اللوح باه يرقاق شوية و نقطعوه

نأخذ بول نضع الحليب،الزيت،الخل،الخردل،زعيترة،الثوم مرحيو التوابل نخلطهم مليح ثم نتقع فيهم السكالوب و نخليه مدة من نصف ساعة حتى الساعة كل ماخليناه بزاف يتشرب الصلصة يجي طري و بنين

ثم نأخذ كاسرونة نضع فيها الصلصة لبقات لكنا منقعين فيها السكالوب نزيدلها الجبن طري و الجبن المبشور و الفرينة و نحرك غاية و نضعها على نار حتى تعقد ثم نأخذ طبق التقديم نحطو اسكالوب و نفرغو عليه صلصة الجبن

الكروكات:نأخذ كاسرونة نضع الماء+ملعقة كبيرة زيت و نصف ملعقة صغيرة ملح و نضعها على النار كي تبدا تغلي نضيفلها الارز نحركه مليح و نخليه يطيب حتى يترغدن(يتحعن)نطفي عليه و نخليه يبرد شوية

و بعد ما يبرد نزيدله الجبن طري،المعدنوس،الخردل،الزيتون خضر مقطع،و التوابل و نعجن الكل مع بعض ثم نعمل كويرات متوسطين الحجم نحشيهم بالجبن المبشور و نرمدهم فالبيض ثم لشابلير و نقليهم في زيت ساخن على نار عالية كي يتحمرو نحيهم (نبعدهم)

ثم نقدمه مع السكالوب يجو روعة فالبنة🥰