غراتان شفلور
هذا القراتان خفيف و بنين حتى لغير محبي الشفلور (القرنبيط) ياكلوه و يستبنوه خاصة الاطفال و ساهل في التحضير
غراتان شفلور
هذا القراتان خفيف و بنين حتى لغير محبي الشفلور (القرنبيط) ياكلوه و يستبنوه خاصة الاطفال و ساهل في التحضير
الخطوات
- 1
اول خطوة ننقي شفلور تاعي نغسلو نرش عليه شوية ملحو فلفل اسود و نحطو في كسكاس على الماء يفور (راح نحط في النصائح طريقة التخلص من رائحة الشفلور الغير محبوبة اثناء طهيه)
- 2
الوقت لي شفلور يطيب نجيب نصف صدر دجاج او صدر دجاج كامل حسب كمية القراتان لي تحبي تديريه و حسب افراد عائلتك نقطعو قطع صغيرة نحطو في مقلاة مع بصلة مقطعة نقليهم نديرلهم ملح فلفل اسود شوية كركم زنجبيل مرحي كزبرة مرحي سنة ثوم مرابية معدنوس مقطع (توابل حسب الرغبة و المتوفر عندكم) كي يتقلاو نمرق بكأس ماء لازم كي يطيب يبقى فيه شوية مرقة مش ناشف باش كي نفرغو فوق شفلور يتشرب من مرقة دجاج و يجي بنين مايجيش غراتان ناشف
- 3
بعدما يطيب الشفلور نفرغو في إناء و نسكرفجو بفرشيطة يعني كي شغل نكسرو برك ملازمش يترحا مليح كي لابيري لازم يقعد شوية قطع صغيرة نحطو في صينية مدهونة
- 4
نضيفلو شوية معدنوس (بقدونس) مقطع نخلطو معاه
- 5
نفرغو هداك الدجاج من فوق و الصلصة تاعو يتشربها الشفلور (يعني صلصة الدجاج تجي مايهة ماشي معمرة بزاف مرقة ماتكون ناشفة)
- 6
نجيب حبيبات جبن مثلثات نقطعهم هكا قطع صغيرة و نحطهم فوق دجاج
- 7
نكسر البيض عدد البيض حسب كمية القراتان انا درت 3 حبات زدتلهم ربع كاس حليب ملح فلفل اسود معدنوس مقطع خلطتهم و فرغتهم فوق دجاج
- 8
بعدها زدت جبن مرحي من فوق و باش تعرفو واش نوعية لي استعملت راني صورت لي درتو متوفر في الاسواق سعر تاعو ماهوش غالي يدير 100دج
- 9
دخلت الصينية الفرن و كي ذاب الجبن دخلت كوردون داخل خرج ناشف معناها غراتان طاب من داخل خرجتو و قدمتو لي تحب تحمر الجبن من فوق تشعل الفرن تاعها من فوق انا ماحبيتش يتحرق الجبن. رشي اذا حبيتي معدنوس من فوق كي تقدميه كمية قليلة جداً من معدنوس راح يعطيه وجه شباب.
- 10
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
غراتان شفلور غراتان شفلور
#غداء_اليوم#بساطة_لحراير#بنة_عظيمة#حراير_الجزائر. طبق خفيف وبسيط واقتصادي سهلة وسريعة التحضير بنينة طعم وذوق رائع لمحبي شفلور
-
-
-
-
-
-
-
-
-
غراتان شفلور غراتان شفلور
لا تنسو الإشتراك بالصفحة وتجربة الوصفة و التواصل معي و الاعجاب بالوصفات
-
-
وصفات ننصحك بمشاهدتها
التعليقات (5)