في وعاء نضع البيض والسكر نخلطهم بالخلاط الكهربائي ثم نضيف الزيت والحليب نخلطهم مليح مع بعض ونضيف الفرينة مع رشة ملح وخميرة ونخلطو ونحط في مول مدهون بالزبدة ونحطو في الفرن حتى ينضج تماما نحيه نشربو بشوية حليب بارد ونخليه يبرد

في كسرونة نحط الفلان السكر والنشا وعطر الكراميل والحليب نخلطهم مليح مع بعض ونحط على النار حتى يعقد الخليط نضيف عليه الياغورت ونخلطو ونحط الطبقة الثانية فوق الجبنواز نخليه يبرد ونحضر الطبقة الثالثة في كسرونة نحط السكر والنشا والحليب نخلطهم مليح مع بعض ونضيف الشوكولا نخليه يطيب حتى يعقد

ونضيف الياغورت ونحط على الطبقة الثانية ونخليه يبرد نحطها في الثلاجة مدة ثلات ساعات على الاقل تبرد مليح ومن فوق نضيف علبة ياغورت دانيت شوكولاته ونزين بالموز والجوز