أولا نجيب إناء واسع نحط الفرينة ورشة الملح وزبدة طرية ونحاول نبسسها بيديا مليح مليح

نحضر صلصة البيشاميل في كسرولة نحط الزبدة ونخليها تذوب ومن بعد نحط الفرينة ونخلط جيداً ومن بعد نضيف الحليب مع الخلط المستمر وعلى نار هادئة ونخلط حتى يثقل الخليط ننزعو من فوق النار ونحط الملح والقرفة والفلفل الأسود وجبن مثلثات

نقطع البصلتين اجنحة رقيقة ونحطها في مقلاة ونخليها تذوب ونضفلها شوية ملح ونخليها تطيب اي تستوي على نار هادئة

بالنسبة للسبانخ نقطعهم ونحطهم في ماء مغلي ونحط القليل من الملح ونخليهم مدة ربع ساعة ومن بعد نصفيهم ونعصرهم مليح من الماء

نرجع للعجينة بعد ما ارتاحت نحلها بالحلال ونحطها في مول الخاص بالكيش ونثقبها بالفرشيطة ونديرها تطيب اي تستوي في الفرن لمدة ربع ساعة

نخلط البصل لي كان طاب مع صلصة البيشاميل

نجيب الكيش تاعي ونحط خليط البصل مع صلصة البيشاميل

ومن بعد نحط السبانخ في اناء ونحط البيضتين ونخلطهم ونحطهم فوق خليط البصل والبيشاميل وممكن نحط فوق السبانخ جبن مبشور