بسم الله اللهم صل وسلم وبارك علي سيدنا محمد اولا نحضر الحشو باش يبرد تماما في نقلو نهبل البصل والفلفل والجزر جيدا لما يذبالو نضيف الطماطم والتوابل ونترك الحشو يتبخر الماء تاعه وينشف من بغد نضيف الجبن والتونة

نحضر العجين بدون دلك بالمقادير المذكورة نتحصل على عجين طري نتركه يختمر من بعد نبسط العجين بالطول ونع الحشو في الوسط والاطراف نقطعهم بواسطة سكين او آلة قطع البيتزا ونبدأ نشكل في الضفيرة كل مرة نطبق شريط من جهة لنتحصل على ضفيرة انا حطيتها في مول الكيش الطويل تقدرو ديروها بلا مول وتتركوها تختمر بعد تدهن تدهنوها بصفار بيض ترشو عليها سانوج وجلجلانية وتدخلوها الفرن مسخن من قبل

لما تستوي تقدم مع مشروبات او شربة فريك يا واش نقلكم تجي علامة مفشفشة وبنينة وخفيفة نعمة دايمة علينا وعليكم خياتي وتقبل الله منا ومنكم صالح الأعمال وجمعة مباركة للجميع