نبدأ على بركة الله، في مقلاة حطيت شوية زيت تسخن رميت فيها البصلة والثوم وخليتهم على نار قليلة حتى ذبالو ثم ضفت لحم الدانت المفروم وخليتو يطيب على خاطرو. من بعد ضفت الملح والتوابل وخلطت الكل جيدا حتى انساجمت كل المكونات.

من بعد ضفت الروز (سلقتو في الماء والملح) وخلطت الكل جيدا ثم ضفت الجبن الطري.

ذاب في الحرارة وفي الأخير ضفت المعدنوس وخلطت، خليتها فوق النار حتى نشفت تماما من السوائل.
ملاحظة مهمة: ✔هاذ الكمية خدمت بيها يومين.

استعملت ديول بالفلفل الحار زادلهم في البنة، قسمت دائرة الديول على إثنين، وعاود طويتها بالطول على إثنين وحطيت لحشو في الطرف وطويت على شكل مثلث (كيما الصامصة).
ملاحظة: ✔يعجبني هاذ الشكل نديرو بزاف.

اوراق الديول لازم يكونو محفوظين في الكيس الخاص بيهم نجبد على حسب الحاجة باش ما ينشفوش. عمرت كامل الديول اللي عنـدي بنفس الطريقـة، فـي مقلاة حطيت شوية زيت وخليتهـا تسخـن من بعد حطيـت البوراك ونقصـت شويـة على النـار وخليتـو يتحمـر من كل الجوانب.

واللي تتقلى نحيها ونحطها فوق ورق ماص.

وقدمتو بألف صحة وهنا 😋👌🏻😋