نبدأ على بركة الله أولا نقشر البصلة والثوم ونغسلهم ونقطعهم قطع عشوائية ونحطهم في الآشوار نطحنهم، في مقلاة نحط الزيت والمارغرين نخليهم يسخنو شوية نفرغ عليهم البصلة ونخليها تذبال.

طحنت حفنة زيتون أخضر منزوع النواة والملوحة وضفتو على البصلةخلطت مليح حتى نساجمت المكونات ثم ضفت الداند آشي ونضيف عليها 2 ملاعق كبار ماء.
ملاحظة مهمة: ✔إضافة الماء على الكفتة يساعد باش ما تتكتلش.

ونخلط مليح نغلق عليها ونخليها طيب على نار متوسطة.

كي يذخلها الطياب نضيف التوابل (تابل الشاورما، الملح، الكركم، الفلفل الأسود، سكين جبير) ونخلط الكل جيدا ثم نضيف القصبر والمعدنوس مطحونين، ونخلط حتى تنسجم المكونات ونخليها طيب، حتى تنشف تماما من السوائل مع التحريك مرة على مرة.
وتستعمل بألف صحة وهنا😋😋
ملاحظة مهمة:✔ يمكن وضعها في علبة محكمة الغلق وتفريزها لحين الإستعمال كما يمكن حشو بها الفطائر ثم تفريزها، او إستعمالها في حينها بدون تفريز.