نبدأ على بركة الله، ذوبت الشكولا البيضاء فوق حمام مائي وضفت عليها البيمو المطحون نخلط مليح ثم نضيف القاوقاو محمص ومطحون رقيق مع زبدة الفول السوداني (إختيارية) نخلط الكل جيدا ثم نضيف اللوز بقشورو محمص ومرحي شوية خشين.

نخلط حتى تتجانس كل المكونات، نعمر في مول السيلكون (خيرت مول التاج نظن مكاش اللي ماعندوش هاذ المول)، ندخل المول للثلاجة باش يبرد ويحكم روحو.

درتلو قاعدة من الصابلي (تقدري تستعملي أي وصفة معتامدتها) أنا خدمت صابلي بذوق العسل كنت 👈🏻حطيتو من قبل بالتفصيل يمكن تفقد الوصفة من خلال هذا الرابط👇🏻، ما يديش الوقت بزاف في الطياب تقريبا 15 دقيقة، كي يطيب نحطو يبرد مليح.

كي وجد الصابلي وبرد مليح لصقت الحشو فوق الصابلي بمساعدة القليل من الطوفيا كراميل كما هو موظح في الصور، بنفس الطريقة حتى كملت كل الكمية اللي عندي. وذهنت الصابلي ساير داير بالطوفيا ورمدتو بالقاوقاو محمص ومطحون خشين.

وهذاك الفراغ اللي في الوسط عمرتو بالطوفيا كراميل وزينت بكريات القوفريط مغلفة بالشكولا البيضاء.

ويقدّم بألف صحة وهنا 👌🏻😋👌🏻

يجي بزاف بنين 😋وهاذيك الطبقة الفوقانية ماتجيش يابسة.