بسم الله اللهم صل وسلم وبارك علي سيدنا محمد في انا كبير نضع السمن ذايب وبارد ونضيف الزيت والحليب والفانيلا وقرصة ملح وعطر ماء الزهر ونخلط جيدا انا فضل بالباتور باش كل المقادير تمتزج مع بعض

من بعد نلم بالفرينة مغربلة حتى نتحصل على عجينة طرية نشكل كريات بحجم 25غ والحشو انا نلمو بليلة من قبل نخلط 3 كيلات لوز مع كيلة سكر ناعم عطر اللوز غير قطرة ورشة قرفة ومغرف سمن ذايبة ونلمهم بماء الزهر نلمهم جيدا نعطيه بكيس بلاستيكي ونتركه ليلة كاملة في مكان بارد وجاف كي يجهز الحشو نشكلو حربوش بوزن 18غ

نفتح العجين تاعي مستطيل نضع الحربوش من الحشو على طرف المستطيل ونشكل حربوش نلويه جيدا ونضعه في مول انا صراحة نفضل مول الألمنيوم على مول السيليكون لما يستوو تماما نتركهم يبردو من بعد نوجد الطلية نخلط كل المقادير المذكورة مع بعض حتى نتحصل على طلية ناعمة ومتوازنةنطلي حبات الكعيكعات ونتركهم ليلة كاملة ينشفو من بعد نلمعهم بملمع فضي ابيض بواسطة بنجة او بانسو نضف حبة كعيكعات من الزوائد

ونكونو وجدنا موتيفات بعجينة السكر ولمعتهم بملمع ذهبي وزينت بيهم حبة الكعيكعات والنتيجة أمامكم جاو بزااف هايلين طريين وهشاش هذي وصفتي المعتمدة في طلبياتي نتمنى يعجبوكم وسلام عليكم ورحمة الله وبركاته