نبدأ باسم الله، في طنجرة الضغط حطيت شوية زيت يسخن زدت عليه البصل المقطع رقيق وقطعة دجاج مع التوابل (الملح، الفلفل الأسود، الكركم، الفلفل الأحمر، سكين جبير)، قلّيت مليح حتى ذبالت البصل ضفت حبة طماطم مقطعة على ربعة خلطت مليح.

كي تقلّى اللحم جيدا مرقت بالماء غالي ما نديرش بزاف ونغلق على طنجرة الضغط. كي يطيب اللحم نحيه ونحطو في طبسي ونغطيه ببابي فيلم ونخليه بجيه.

هديك المرقة نزيد عليها البسباس والجزر والبطاطا ونعاود نغلق على الطنجرة ونخليها تصفر حتى طيب كل المكونات وتتجمر المرقة وتعقد على نار متوسطة (ما تديش وقت بزاف في الطياب).

كي طيب الخضرة وقبل ما نطفي عليها نضيف رشـة خفيفة نتاع سكين جبير ونخليها تغلي مدة 5 دقائق ونطفي عليها.
ملاحظة: هاذيك الإضافة الأخيرة نتاع سكين جبير تزيدلها في البنة.

وهذيك قطعة الدجاج اللي خليتها بجيه نحطها في صينية تدخل للفرن نكون دهنتها بشوية مارغرين وندخلها للفرن على درجة حرارة متوسطة باش تحمار وتدي لون ذهبي جميل.
تنويــــه: ✔ولادي يحبو الدجاج بهاذ الطريقة.

ويقدم الطبق بألف صحة وهنا😘😋😘.