نحضر العجينة نحط البيضة والسكر والزيت والفاني ونخلط جيدا ثم نضيف الفرينة ونلم الخليط حتى نتحصل على عجبنة طرية نلمها دون دلك ونغطيها ثم نشكلها في مول التارتولات وندخلها تطيب

نحضر الكريمة نحط الحليب والسكر والنشا ونخلط بارد في بارد ثم نحطها على نار مع التحريك حتى تعقد الكريمة نطفي ونحط عطر الموز والزبدة ونخلط ثم نحطها في صحن ونغطيها ببلاستيك غدائي ونخليها تبرد جيدا

لما تبرد الكريمة نحط بودرة الشونتي ونخلط بالباتور حتى نتحصل على كريمة خفيفة نحطها في بوش ونعمر تارتولات وتقدم باردة بالصحة والهنا