نوجد المكونات ونبدأ بإسم الله، ندهن القوالب الصغيرة بالسمن جيدا ونغبرهم بالفرينة ونحطهم بجيه، في طاس الميكسور حطيت حبة البيض ورشة الملح مع السكر والزيت وعطر مزيج بين الفاني والزبدة وعطر الشكولاتة نميكسي الكل جيدا.
ملاحظة مهمة: ✔الكاس اللي عبّرت بيه سعته 150 ملل.

ثم نضيف الحليب ونعاود نميكسي حتى تنسجم المكونات.

ثم نغربل النواشف (الفرينة والكاكاو البني المر وملعقة صغيرة خمارة الحلويات) نخلطهم مليح ونبدا نضيف بالتدريج (يمكن إضافة ملعقة إلى ملعقة ونصف فرينة حسب الحاجة وحسب درجة إمتصاص الفرينة للسوائل)

نميكسيو الكل جيدا حتى نتحصلو على خليط متجانس (مثل خليط الكيك) ما ثقيل ما خفيف كما هو موظح في الفيديو، نفرغ الخليط في القوالب ونعمّرهم للنصف.

نحط القوالب في صينية، ندخلهم للفرن المسخن مسبقا على درجة حرارة متوسطة مدة 15 دقيقة إلى 20 دقيقة، كي يطيبو نخليهم شوية ونديموليهم، نحطهم فوق مشبك باش ما يعرقوش.

كاين حبات جاوني شوية عالين نحيت هذاك الفائض بالموس كما هو موضح في الصور، نخليهم يبردو مليح.

في هاذ الوقت نحضر كريمة الشكولاتة، في كاسرونة نحط السكر والنشاء والكاكاو البني المر مع رشة ملح وحبيبات الشكولاتة السوداء نفرغ عليهم كاس حليب نخلط بارد في بارد.

نحط الكاسرونة فوق النار تكون متوسطة إلى هادئة مع التحريك المستمر حتى تعقد وتثقال نطفي عليها ونضيف ملعقة صغيرة زبدة وعطر الشكولاتة ونحرك مليح حتى تنسجم المكونات.
ملاحظة مهمة: ✔هاذ الكريمة تجي بزاف بنينة كريمية وملساء.

نفرغ الكريمة في وسط الكيك وهو عاد سخون ومن فوق كتزيين فرغت صلصة الشكولاتة الجاهزة (يمكن الإستغناء عن هذه المرحلة) ومن فوق حطيت ورقات من ورد الشوش والتزيين كالعادة يبقى إختياري وحسب الموجود.

وقدّمتهم بألف صحة وهنا 😋🍫😋

يجيو بزاف بنان وهشاش🍫👌🏻🍫 وشهية طيبة.

👌🏻🍫😋👌🏻🍫😋