نحضر كل المكونات ونبدأ على بركة الله، في إناء واسع نحط المارغرين ورشة الملح ولفاني والسكر الناعم ونخلط بيدي مليح حتى يصبح المزيج كريمي.
نصيحة: ✨يمكن خلط المكونات بالباتور (الضراب الكهربائي)
ملاحظة: ✔الكاس اللي عبرت بيه السكر الناعم والمايزينة والقاوقاو سعته 150 ملل.

ثم ضفت الزيت مع الخلط المستمر ثم ضفت حبة البيض ونخلط الكل جيداً حتى تنسجم المكونات.

ثم زدت القاوقاو محمص ومرحي شوية خشين نخلط الكل جيدا ونضيف (المايزينة والخمارة والكاكاو البني المر) نغربلهم ندخلهم مليح.

ثم نضيف الفرينة بالتدريج (نغربلها بطبيعة الحال)

حتى نتحصل على عجينة طرية وفي نفس الوقت متماسكة (نلموها فقط ما نعجنوهاش)، نغطي لعجينة وندخلها للثلاجة الوقت اللي ننظف فيه مكان العمل تقريبا 10 دقائق، حليت لعجينة بين زوج بلاستيك.

وطبعت بهاذ الطابع المستطيل حطيت حبات الصابلي فوق صينية فيها ورق الزبدة وندخلها للفرن المسخن مسبقا على درجة حرارة متوسطة، ما يديش الوقت في الطياب.

كي يطيب الصابلي نحطو فوق مشبك ونخليه يبرد.

في هاذ الأثناء نحضّر الكريمة نجيب حوالي 100 غ من الكريمة البيضاء بذوق الفاني التي تعتبر كقاعدة كنت 👈🏻حطيت الوصفة من قبل يمكن تفقد الطريقة بالتفصيل من خلال هذا الرابط👇🏻، ونضيف عليها شكولا الطلي والكاكاو البني المر ونضرب مليح حتى تتجانس كل المكونات ويصبح قوامها خفيف وبزاف بنين.

نعمر الكريمة والكراميل (ذوق الكابريس) في جيب حلواني وندير الكريمة صاير داير في حبات الصابلي كما هو موضح في الصورة وفي الوسط نحط قطع من الجوز (القرقاع) كسرتو بيدي فقط.

من فوق نفرغ كمية من الكراميل (ذوق الكابريس)، ونغلق عليها بحبة صابلي أخرى.

نحاول نليسي الأطراف جيدا بنفس الطريقة حتى نكمل كل الكمية اللي عندي نحطهم في الثلاجة باش يبردو مليح والكريمة تشد روحها.

نذوب الشكولا بالحليب مع الشكولا السوداء نحركها مليح ونضيف الزيت ندخلها مليح تعطينا لمعة شابة للصابلي، نحط حبة الصابلي فوق فرشيطة ونحاول نقلاصي الحبة جيدا، ونحطهم فوق ورق الزبدة أو بلاستيك غذائي.

وقبل ما تنشف الشكولاتة نحط موتيف عيد مبارك كنت وجدتو من قبل يمكن👈🏻 تفقد الطريقة من خلال هذا الرابط👇🏻. نخليهم ينشفو مليح.

ويقدّم بألف صحة وهنا 🍫😋🍫

يجي هشيش وبزاف بنين 💖🍫💖