اولا حاجة نخدمو عصيدة التفاح بعد ماغسلتو وقسمت كل حبة على 4 ونقيتو من نواة نتاعو نعصر عليه مليح القارص باش مايكحالش ثم نديرو يفور في الماء نتاع القدرة لي نفور فيها ندير معاه لقشور نتاع القارص لي قعدولي ونزيد عصرة من الفوق ونخليه يفور 20 دقيقة حتى لنصف ساعة حتى يطيب مليح بعدها نرحيه بالميكسور

نوزن 70 غ من السكر مع 17 غ من البكتين ونخلطهم مليح مع بعض

في كسرونة نوزن 50 غ غلكوز ونزيد عليها 300غ من السكر و400غ من عصيدة التفاح ونحطها فوق نار تكون قليلة مع التحريك المستمر حتى يلحق لدرجة الغليان من 10 الى 12 دقيقة باش يولي يغلي لوكان تحبسو لمغيرفة تم تم راح يغلي

نضيف عليه 3 م ك عصير الليمون مايعادل 30 غ ونخليه يرفد الغلية ونطفي عليه ضفتو حبات من البندق المحمص ومباشرة فرغتو في المول وندخلو لثلاجة 6 ساعات

حتى يغلي باش نضيف البكتين على دفعات ونخلط من الاحسن بالفوي كل مانفرغ البكتين مع السكر نحي الفوي نفرغ ثم باش نخلط بالفوي حتي يتجانسو المكونات مليح مع بعض ثم نكمل بالمغيرفة ونخلط من 20 دقيقة حتى لنصف ساعة حتى نشوف الحواف نتاع الكسرونة بياضو والمعجون يدير فقاعات كبار بسيف مايترتقو

كتزين في الاخير ضفتلو من الفوق بندق محمص وورق الذهب

بالصحة والعافية يارب 😍