نعجنوا كل المكونات ونضيف في الأخير الزبدة ونعجن بيها نخليها ترتاح حوالي عشرة دقائق حتى تولي خفيفة نحطوها في سارفيات و نغطوها.

في هذه الأثناء نحضر الصلصة نجيب مقلاة ندير فيها شويا زيت نقلوا البصل مليح كي يذبل نزيد طماطم مسكرفج نخليهم يتقلاو مليييح نزيد عليهم شويا ماء نزيد طماطم معجون ثم التوابل المذكورة كي طيب نمكسيها.

كي ترتاح العجينة نديرها قرصات ونفتحهم بالحلال على شكل دائري نحط الصلصة في كوتي ونخلي شوي فراغ باه نصيب نغلق ، نحط فوقها جبن مبشور ونغلقها ونستعين بالفرشيطة باه نغلق الأطراف مليح

كي نكمل كل الحبات، نجيب بياض بيضة ندهنهم بالبانسو كاملين ونحط فوقهم سانوج أو جلجلان ونحطهم في صينية وندخلهم للفور درجة الحرارة 200