في حله على البوتجاز هننزل بملعقة الزيت وورق لوري وحبهان وجوزة الطيب ونقلبهم وننزل باللحمه ونقلبهم دقيقتين وننزل بالماء الساخن ونترك اللحمة تستوي ونبدأ نجهز الخضار ونقطع" البصل، الفلفل الألوان والفلفل الأخضر الحار

في صينية على البوتجاز بننزل بالزيت والسمن والبصل ونقلب لغاية ما يذبل البصل بننزل بالفلفل الألوان وممكن نضيف بطاطس ونقلب وبعدين ننزل باللحمه المسلوقه

وننزل بالتوابل "الملح والفلفل الأسود والببريكا والكزبره وبهارات اللحمة والزنجبيل" ونجهز الصوص " ٢ ملعقه كبيرة صلصة ونص كوب عصير طماطم ونص كوب شوربة اللحمة ونقلبهم كويس وننزل بيهم على الصينية ونتركها على البوتجاز ٥ دقائق حتى تستوي البطاطس وتتشرب المكونات الصوص وندخلها الفرن دقيقتين تأخذ لون ونخرجها نقدمها بالهنا😍