نوجد المكونات ونبدأ باسم الله، نغسل الكرز جيدا ثم ننزع منو النواة أو العلفة، وزنت قيس 300 غ.

رديت الميزان للصفر ووزنت السكر قيس 150غ (نصف كمية الكرز) غطيت العلبة ودخلتها للثلاجة مدة ساعة باش يطلق الماء ديالو.

فرغت الكرز اللي ارتاح في الثلاجة في كاسرونة نضيف عصير الليمون وطرونش، نحطها فوق النار تكون متوسطة مع التحريك مرة على مرة حتى يغلي وهاذيك الشكشوكة (الرغوة) اللي يديرها من فوق لازم نحيوها باش ما يفسدش.

في ربع كاس ماء حليت فيه ملعقة صغيرة نشاء وضفتها على المربى وخليتو يطيب المعجون ويعقد السيرو اللي فيه نطفي عليه ونضيف مركز عطر الكرز.

نفرغو في صحن واسع ونخليه يبرد مليح مليح.
ملاحظو: إضافة الليمون تساعد المربى باش يبقى محافظ على الطعم والقوام لمدة طويلة.

ثم نفرغو في علبة زجاجية معقمة ومحكمة الغلق و نحطو في الثلاجة لحين الإستعمال.

ملاحظة: استعمالاتو كثيرة ومتعددة يمكن نستهلكوه كطلي للخبز أو في حشو الكيكات أو الصابلي كيما نقدرو نضيفوه للتحليات يمد ذوق رائع ونقدرو نطحنوه بكل الطرق يجي بنين😋👌😋 وشهية طيبة للجميع.