نحط في طنجرة البصل والثوم وصلصة الطماطم والملح والتوابل مع السمن والزيت والدجاج والطماطم المصبرة وربع كأس ماء فوق النار ونقليهم جيداً ثم نمرقها مليح ونحط الحمص المرنخة.

نتركها تطيب اي تستوي ونغسل السنارية والجريوات ونضيفلهم عليهم رشة ملح ونحطهم يفورو.كما يطيبو نحطهم في كاسرونة (طاوة) ونضيفلهم القليل من نفس المرقة ونخليهم يطيبو وحدهم حتى ينشفو ونطفي النار وفي الاخير نزين بيهم.

نفرغ التليتلي كما راه في الكسكاس ونخليه يفور مرة الاولى.بعدها نحط الكسكاس في قصعة (جفنة أو وعاء عميق)ونصب عليه الماء وهو ي الكسكاس ونحركو بالملعقة أو اليد نخليه يقطر دقيقتين ونرجعو يفو للمرة الثانية ونزيدلو مرة ثالثة.إذا رجع طري نتركو واذا لقيتوه مزال يابس نعودلوه فورة ثالثة بنفس الطريقة

بعد ما يصبح طري نفرغو في صينية الفرن ونحطلو 4ملاعق صغار ملح والزبدة ونحركو. رايح يتفك بسهولة.(لما يطيب، اي يستوي الدجاج نحيه ونغطيه بكيس بلاستيك حتى مايجف.) بعدها نحط الدجاج فوق التليتلي ونصب المرقة عليه حتى يتغطى ونضع قطع زبدة صغار فوق الدجاج وندخله للفرن المسخن مسبقا.حتى يجف تماما.ونحمرو من الفق غير شوي برك. ثم نزينه بالخضر والبيض المسلوق.

رايح يجي طري وكل حبة وحدها.وجد لذيذ. بصحتكم.