نبدأ بالمرقة نحطوا البصلة و الثوم بعد ما نرحيهم، واطراف الدجاج والرند والحمص وعود القرفة والتابل ونخليهم يتقلاو مليح.ومن بعد ندير حبة الطماطم الى رابيتها تتقلى شوية وندير طماطم لباط. ونمرق لحد ما يتغطى اللحم ونغلق عليه حتى يخثر.

والتليتلي نديرلوا الزيت والملح ونحطه يتفور. وكي يفوور مليح نفرغوا في إناء ونفرغ عليه ماء يغلي الى فورت فوقوا التليتلي ، ونخليه يتشرب وكي يتشرب مليح نديروا في كسكاس ونغسلوا بالماء البارد ونديرله شوية ملح وزيت ونرجعه يتفور لمرة الاخيرة.

بعد ما تخثر المرقة ، ويطيب التليتلي. ونطبخ حبات بطاطا ونحمرهم في شوية زيت كيف كيف الدجاج نحمروه.