السينابون الاصلي
الشتا داخل و مفيش احلى من عجينة ساخنة بالقرفة و عليها وايت توبينج شوجرى يجنن مع كباية النسكافيه .... يااااه بقي
السينابون الاصلي
الشتا داخل و مفيش احلى من عجينة ساخنة بالقرفة و عليها وايت توبينج شوجرى يجنن مع كباية النسكافيه .... يااااه بقي
الخطوات
- 1
المكونات اهى و زي اي عجينه المكونات السايله مع بعض ثم الجافة بس اول حاجه هحط الخميرة مع الحليب الدافى وملعقة سكر بسيطة و قلبهم واستنى يتفاعلوا على جنب
- 2
هضرب البيض مع الفانيلا مع الزبدة وبعدين هصبهم على المكونات الجافة اللي هي الدقيق وكريم الشانتيه وهنزل الحليب بالخميره و هقلب تقليبة ثم أبدأ العجن
- 3
اهم حاجه نعجن شويه حلوين العجينه في النتيجه النهائية هتطلع معاكى ملزقة شويه معلش هي عجينه السنابون كده
- 4
هحط العجينه في بولة على شوية زيت وهغطيها وفي مكان دافئ لمده من ساعة لساعه و نص كل ما تسيبى العجينه تختمر هتريح معاكى
- 5
في الوقت ده هنحضر التوبينج (مكونات الوجه) الابيض الخطير بتاع السينابون... بصراحة هو عايز لبن مكثف بس اللي معندوش هيمشي على المقادير دي بالظبط في الخلاط..
- 6
الكيري ثم اللبن و القشطة و بودرة الكريم شانتيه وملعقة الزبدة و سكر حسب الرغبه و في الخلاط لحد ما الخليط يتجانس تماما
- 7
الخطوة دي اختياري ممكن لو احنا بنعمل صوص شوكليت او كراميل من فوق نطلعها العجين نديه عجنة و بعدين نغطيه و نسيبه يتخمر ثاني بس اهم حاجه تكون معديه نص ساعة او نص الوقت يعنى من نص ساعة لساعه الا ربع
- 8
للتزيين : انا بحبها بصوص الشوكولاتة و هو شوكولاته خام و في حمام لبن سخن ومعلقتين زيت
- 9
طريقة صوص الكراميل : سكر هكرمله على نار هادية وبعدين هفكه بشوية ماء بالنشا وبعدين هرفعه من على النار يفك تماما و بعدين هضيف حليب او كريمة طبخ
- 10
خدى هنا احنا لسه مخلصناش الصوصات بتاعت التزيين هسيبها في الثلاجه و هبدا اعمل مقادير الحشوة 😄
- 11
الحشوة عبارة عن سكر بنى و زبدة و قرفة و كاكاو خام و لو معندكيش سكر بنى يبقى سكر ابيض و حطيله ملعقة عسل اسمر
- 12
العجينه دلوقتى اتخمرت تماما هديها عجنه بسيطة و بعدين شويه دقيق على النشابه و الرخامه و هفردها على شكل مستطيل
- 13
بعدين هحط الحشو في كل حتى على العجينه المفرودة و هرول العجينه في اتجاهها القصير بحيث انا برول الطول في اتجاه العرض
- 14
بخيط او سكينه حاده هقطع العجينه بسمك واحد و لازم تكون سمك كبير اقل من سمك عقلتين كده
- 15
صينية كبيره علشان لسه العجينه هتنفش اكتر و ادهنها زبده ثم رشة سكر و احط السينابون رولز فيها بس اسيب بينهم فراغات علشان اعمل حساب لما تتخمر تحت الفرن و تستوي هتكبر و حجمها يتضاعف
- 16
على درجة حرارة 200 ل ٢٢٠ و هراقبها لمده ثلث ساعة لنص ساعة حسب الفرن لحد ما تأخذ اللون الذهبي و تتخبز تماما
- 17
هسيبها تهدي حبه و تبرد و بعدين اضيف التوبينج (مكونات الوجه) ثم الصوص و بالف هنا 😘
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات