اولا: الكيك هنجيب بولتين أو طبقين وننشفهم كويس جدددا من اي ماء.. بعدين هنفصل في واحد بياض البيض والتاني الصفار

هنجيب البولة اللي فيها البياض ونحط عليه رشة ملح ونضرب بالمضرب الكهربائي لحد ما يتماسك وما نضربش زيادة عشان هيبوظ وهيفك تاني هنجيب الطبق التاني اللي فيه الصفار ونضيف عليه الفانيليا + السكر ونصف كوب الماء ونضرب كويس اوي بالمضرب لحد مايبقي لونه فاتح.. بعد نضيف عليه الدقيق المنخول والبيكنج باودر ونضرب تاني بالمضرب كويس الخليط.

هنجيب خليط بياض البيض ونضيف شوية شوية على مخلوط الصفار اللي عملناه ونقلب براحة لحد ما يختلطوا كلهم ببعض كويس اوي

هنحط ورق زبدة في صينية وندهنها زبدة وننزل فيها الخليط على درجة حرارة 180 في فرن يكون سخن وبتاخد تقريبا 40 دقيقة

ثانيا: الكراميل: طاسة على النار ونحط فيها السكر ونخفف النار عليه لحد ما يبدأ ياخذ لون ابدأ اقلبه براحة لحد مايدوب

نضيف عليه الزبدة واقلب وبعدين اضيف اللبن أو الماء واقلب لحد ما كل التكتلات تفك

هنجيب النشا وادوبها في الماء كويس بعدين أضيفها للخليط واقلب لحد ما يبدأ يغلي على النار ويتقل ولحد مايوصل للسمك اللي تحبيه

بعد ما الكيك يطلع من الفرن هسقيه باللبن اللي مذوب فيه معلقتين سكر بعد ما الكيك يهدي من السخونة

وبعدين اضيف الكراميل على وجه الكيك واجيب شوكولاتة واسيحها أو كريمة زي ما تحبي وتعملي خطوط فوق الكراميل وتجيبي عصاية الشيش طاووق وتفضلي تعملي خطوط على الشوكولاتة هتديكي الشكل ده..

بعدين هتدخليها الثلاجة تسقع كويس جداً قبل الاكل والف هنا