هنجيب طاسه ونعصج فيها اللحمة المفرومه هنحط ملعقة سمنه وشويه زيت بسيط وننزل بالمفروم ونقلب ونحط بهارتنا بقى فلفل اسود وملح وثوم بودرة وبصل بودرة ونقلب لحد ما تستوي.

هنجيب الصينيه هندهنا سمنه وبعدين ممكن نبل الرقاق بقى بحاجات كتير متوفره لينا عندنا سمنه نحطها مابين كل طبقه او لبن او ماء كل دول يمشو وبيبقى طعمه حلو اوي.

هنحط نص الرقاق تحت وبعدين هنحط اللحمة المفرومه ممكن نحط معاها زيتون وفلفل اخضر.

هنقفل بباقي الرقاق وبعدين نقطع ومهم جداً نقطعه علشان اما نحط اللبن كله يتشرب من جوه.

هنجيب كوب لبن ونحط فيها بيضه وملح وفلفل اسود ونقلب كويس وبعدين نشرب الصينيه وندخلها الفرن مفيش عشر دقائق وهتلقيها جاهزه بالف هنا