واستمر في الضرب حوالي ربع ساعة لحد ما تتضاعف الكميه والفقاقيع تختفى ولما ترفعى المضرب تلاقى الخليط سميك وماسك نفسه

وبعد كدا نحطها في صينيه مدهونه ومرشوشه دقيق او مدهونه وفيها ورق زبده ودا الأفضل وندخلها فرن ساخن متوسط الحرارة180 درجة ومانفتحش عليها قبل نص ساعة

الكيكة الأسفنجية بعد ما استوت نتركها تبرد تماما ثم نلفها وندخلها الثلاجة لتانى يوم

الربع كيلو كريم شانتيه خام بدون سكر بياخد من كوب ونص لكوبين كوب لبن او ماء ساقعه جداً بس انا افضل اللبن ونص كوب سكر بودرة وتضربيهم بالمضرب الكهربا على سرعه عاليه لحد ما يتماسك وتضيفى معاه الباسترى كريم وتضربى
واللبن ماتحطهوش مره واحده حطيه حبه حبه لحد ما توصلى للقوام المناسب اللي انت عايزاه

كوب فراوله تحطى عليه نص كوب ماء وكيس جيلي فراوله وسكر حسب ما تحبى ونحطهم على النار يغلوا غلوتين لحد الجيلي ما يذوب والفراوله تذبل شويه بس مش كتير عشان الماء ما تقلش او زودى ماء ثاني حسب ما انت شايفه الصوص وبعدين نسيبها تهدى شويه

وبعدين نضربهم في الخلاط او وهما على النار نضربهم بالهاند بلندر وبعدين نصفيها بمصفه

فيبقى عندنا صوص ناعم نحط عليه ملعقه كبيره بودرة كريم شانتيه و نقلبهم على النار دقيقتين وبس نسيبهم يبردوا بس برا الثلاجه عشان ما يمسكش وبعد كدا نستعمله 😘

نبتدى بقى نجهز التورتة ونزينها. نجهز سكينة طويلة مشرشرة واى عصير خفيف او مياه غازية عشان نسقى التورتة

نعمل شق بالطول كدا عشان تبقى علامة لما نقسم الكيك

هنا قسمتها ثلاث طبقات متساوية

في سرفيس التقديم نرص طبقات الكيك نسقى كل طبقة بالعصير ونضيف طبقة من الكريمة وهكذا كل طبقة 👇👇

ثم نغلفها كويس بالكريمة

بعد كدا زينتها بوردات من الكريم شانتيه من فوق وتحت

ثم نضيف صوص الفراولة وندخلها الثلاجة قبل التقديم بتلات ساعات على الأقل

ثم تقدم بألف هنا 😘