بالنسبة للبهارات طبعا انا عامله كميه صغيره انتي تقدري تعملي كميات اكبر وتسخني الكمون والكزبرة مع شمر والخردل وفلفل المجفف ع نار لحد ماريحته تفوح ونقفل عليه نسيبه يبرد وبعد كده نحطه ف المطحنه مع باقي مكونات ونخلطهم مع بعض ونحتفظ بهم ف برطمان

هنغسل الفرخه كويس بالدقيق والخل والملح ونسيبها نص ساعه وبعدين نغسلها كويس اوي وبعدين نتبلها بالملح والفلفل وجزء من توابل المكسيكيه وجوزة الطيب ونخلطهم كويس وبعدين نحط الزيت(لازم زيت اخر حاجه علشان مايبقاش طبقه عازله مابين الفراخ وتوابل)

نسخن طاسه ع نار فيها ونشوح الفراخ من ناحيه الجلد لحد مالونها يتغير ونرفعها ع جنب وطبعا هنعمل قطعه قطعه او ٣ قطعات ف المره الواحده ماتعمليش كل حتت مع بعض وبعدين نرفعهم ع جنب ونحط مكانها البصل و نشوحه لحد مايدبل وبعدين نحط الجزر ونقلب يدبلوا نحط الفلفل الحار والملون ونقلب وبعدين نحط الصلصة و رشه ملح وفلفل وباقي بهارات المكسيكيه و نقلب ولما يتسبك نحط الفراخ فيها تاني ونحط بقدونس عليه

عندك طريقتين للتسويه لاما هتغطي الطاسه بفويل الومنيوم وتسيبي الفراخ تستوي ع نار

لاما تعملي زي مانا عملت نقلت كل صوص ده في صينيه والفراخ عليها وحطيتها ف الفرن تكمل تسويتها وبعدين ولعت الفرن من فوق علشان تاخد لون وطلعتها ع طبق تقديم وحطيت عليها صوص وخضار اللي معاها وبألف هنا ⁦♥️⁩