الخطوات
- 1
نجيب بولة للعجن نحط الدقيق والسكر والخميرة والملح ونقلبهم كويس وبعدين نعمل حفرة في النص نحط الزيت وبعدها نحط كوباية ماية ونعجن ونحطى النص التانى شوية بشوية ع حسب نوع الدقيق ونعجنهم كويس لحد ماتمسك في نفسها وماتكونش بتلزق ونسيبها تخمر لمدة من تلت لنص ساعه
- 2
بعد ماتخمر هنلم العجينة ونقسمها نصين ناخد نص ونجيب حاجه نفرد فيها ونرش دقيق ونفرد بالنشابة اهم حاجه السمك يكون رفيع بس مش اوووى عشان هيه بتخمر تانى وتفرديها بالطول مستطيل وفي النص تفردى بالطول صلصة وبعدين تحطى عليها الجبنة واللحمة والزيتون والطماطم المقطعة وتقفليها تحطى الطروف ع بعض وتقطعى بالسكينة الحجم الى انتى عاوزاه وتدهنى وشها بالبيض وممكن تزينى الوش بجبنة او زيتون وتسيبيها تخمر وتعملى النص التانى بنفس الطريقة
- 3
دا شكلها لما قطعتها وخمرت وبتحطوها في الفرن ع درجة حرارة ٢٠٠ بالنسبة لورق الزبدة الى انا حاطاها ممكن نستغنى عنه انا عملت صينية بورق الزبدة وصينية من غير ورق الزبدة حرفيا اكتر صينية عجبتنى الى من غير ورق زبدة
- 4
المفروض لو فرنك كويس وحامى بتولعى عليها من تحت بس ع درجة حرارة ٢٠٠ فبتطيب فوق وتحت زى الصورة كده انما لو بارد بعد ماتطيب تحت ولعوا عليها من فوق حرفيا الذ فطاير هتدوقوها وبالهنا والشفا على قلوبكم الحلوة❤
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات