نقوم أولا بقلي البطاطا والباذنجان من جهة أخرى نبدأ بتحضير صلصة حمراء، سكرفجي نصف بصلة مع حبتين ثوم حطيهم على النار هادئة زيدي عليهم شوي زيت نباتي يتقلى شوي حطي من بعد اللحم وزيدي التوابل والملح و ملعقتين إلى ثلاث ملاعق كبيرة طماطم مصبرة نخليوهم يتقلاو مليح من بعد نمرقوه ونخليوه يطيب على نار هادئة

بالنسبة للبيشاميل في وعاء الطهي نحطو ملعقتين زبدة مع ملعقتين فرينة حتى نتحصلوا على عجينة متماسكة نوعا ما ونبقاو نحركوا فيهم حتى يبياض الخليط من ثم نزيدوا الحليب تدريجيا ونخلطوا مليح لتجنب تشكل حبيبات في الأخير نضيف الملح والفلفل أسود وجبن أبيض. ونبقاو نحركوا حتى يعقاد الخليط ونطفي عليه

نجيبوا بلاتو لي يدخل للفور ندهنوا أولا ب شوي بيشاميل نضيف طبقة من البطاطا ثم صوص حمراء وبعدها صوص بيشاميل وفي الأخير طبقة باذنجان ونكرر العملية أخر طبقة تكون بطاطا نزيدوا نصبوا علاها ما تبقى من صوص بيشاميل ونزيدوا جبن مبشور النوع لي تحبوها نحطوه في فرن سخون من قبل على درجة حرارة 150 لمدة 40 دقيقة