محشي باذنجان و كوسة و فلفل
الحكاية اني شميت ريحة محشي يجنن عند جيرانا و قررت اعمله تاني يوم ... للمعدة احكام ♡♡
محشي باذنجان و كوسة و فلفل
الحكاية اني شميت ريحة محشي يجنن عند جيرانا و قررت اعمله تاني يوم ... للمعدة احكام ♡♡
الخطوات
- 1
اول حاجة كمية الباذنجان و الكوسة و الفلفل حسب ما تحبي يعني مثلا ممكن نجيب كيلو كوسة و نص فلفل و نص و باذنجان
- 2
الخطوة الاول نقور الباذنجان و الفلفل و الكوسة (نستخرج قلب الثمرة) و نغسله و نصفيه
- 3
نقطع الخضرة صغير و نغسلها (بالنسبة لحزمة النعناع دي اختياري انا بحب طعم النعناع) و نصفيها
- 4
نقطع البصل مع نحمره في معلقتين الزيت و نضيف عصير الطماطم و معلقتين الصلصة و الملح و باقي التوابل (الشطة حسب ما تحبي مش اساسي) و نسيبها تتسبك لحد ما الزيت يطلع علي الوش
- 5
نغسل الارز و نصفيه
- 6
نضيف الارز للصلصلة المسبكة و الخضرة و شوية ملح و توابل (رشة القرفة و الزنجبيل مش اساسي) و نقلب كويس
- 7
نبدأ نحشي الباذنجان و الفلفل و الكوسة و نرسها حلو في الحلة على الواقف
- 8
بعد ما نخلص نشرب المحشي بأي نوع شوربة عندنا و نغطيها كويس و علي النار
- 9
اول ما تبدأ تتشرب نوطي النار و نقطع الفلفل الحار و نقطع علي الوش (حسب الطلب لو بتحبي الاكل مشطط)
- 10
ملحوظة كدة اوعي ترمي قلب الكوسة خديه اسلقيه كويس مع فصين توم و عصير ليمون و بعد ما يستوي كويس ضيفي معلقة طحينة و حبه ملح و شطه و ورقتين كزبرة
- 11
قلب الكوسة مفيد جداااا و الطعم هيعجبك اووووي
- 12
اطفي علي المحشي و اوعي تنسي معلقة الزبدة علي الوش علشان اللمعة الحلوة و الطعم اللي ياخد العقل
- 13
صحة و عافية علي قلبك
وصفات مشابهة
-
-
-
-
-
محشي باذنجان وفلفل وكوسه محشي باذنجان وفلفل وكوسه
محشي باذنجان وفلفل وكوسه بتكات تركيه واسرار مصريه اصيله
-
-
-
-
-
محشي كوسة وباذنجان وفلفل محشي كوسة وباذنجان وفلفل
عندنا في البلد لازم كل يوم خميس محشي
-
وصفات ننصحك بمشاهدتها
التعليقات