نجيب بولة ونحط فيها اللحمة المفرومة والبصلاية المبشورة والبهارات ونقلبهم كوويس ونبتدي نعمل كور ونرصهم في الصينية ونحط حبة ماية صغيرين وزيت وندخلها الفرن تتحمر عايزة تقليها في الزيت براحتك انا بحبها ادخلها الفرن عشان تبقي نسبة الزيت اقل ومتشربش زيت كتير في التحمير.

نسلق المكرونة (نحط حلة علنار وفيها ماية وحبة ملح وزيت ونسيبها لحد ما تغلي ونحط المكرونة تتسلق مش هتاخد 9 دقايق سلق ونصفيها في المصفي)

في نفس الحلة نحط معلقتين زيت ونبتدي نحط البصل ال متقطع لحد ما يصفر نحط عليه معلقة الدقيق ونقلبهم كويس بعدين ننزل بصلصلة الطماطم ومعلقتين الصلصلة والبهارات وكوباية المايو ياخدو غلوة تنزلي عليهم بالكفتة وتسيبيها تتسبك معاها بعد كدا تنشلي الكفتة من الصلصلة وتحطي المكرونة علصلصلة وبعدين تغرفي المكرونة وفوقيها الكفتة وبقدونس للتزيين وبألف هنا ❤